Abdul Qadeer Khan, i njohur si ‘babai i bombës bërthamore’ të Pakistanit, vdiq të dielën nga COVID-19 pas një beteje të gjatë me sëmundjen, thanë familjarët e tij. Ai ishte 85 vjeç dhe vdiq në një spital në kryeqytetin Islamabad, tha Ministri i Brendshëm Shejh Rasheed Ahmad.
Khan u nderua si një hero kombëtar për transformimin e vendit të tij në fuqinë e parë bërthamore islame në botë, në fillim të viteve 1970. Por ai ishte gjithashtu famëkeq për kontrabandën e sekreteve bërthamore ndërmjet shteteve, përfshirë Korenë e Veriut dhe Iranin.
Kryeministri Imran Khan tha se Pakistani kishte humbur një “ikonë kombëtare”. ‘Ai u desh nga kombi ynë për shkak të kontributit të tij kritik për të na bërë një shtet me armë bërthamore,’ shkroi kryeministri në TWitter.
I njohur si AQ Khan, shkencëtari ishte i rëndësishëm në ngritjen e uzinës së parë të pasurimit bërthamor të Pakistanit në Kahuta pranë Islamabadit. Deri në vitin 1998, vendi kishte kryer testet e para bërthamore.
