Udhëtimi i së shtunës nga Franca në Shqipëri i ganezes 31-vjeçare për të takuar të dashurin shqiptar ka rezultuar fatal, duke sjellë një krim të dyfishtë në Tiranë.
I riu nga Dibra, 26- vjeçari Klinton Pira, familja e të cilit prej kohësh jetonte në zonën e “Don Boskos” në Tiranë, gjatë 3 vitet e fundit kishte emigruar në mënyrë të paligjshme në Angli. Çifti shqiptaro-ganez kishte nisur historinë e dashurisë nga një njohje në internet.
I riu ishte deportuar në Tiranë, ndërsa 31- vjeçarja Jawsackie Jaboah vendosi të udhëtojë në Shqipëri, për të sqaruar konfliktet e vazhdueshme.
Kushëriri i 26- vjeçarit ka deklaruar në Polici se kur çifti ka qenë në makinën e tij nga Aeroporti i Rinasit deri në Tiranë dhe gjatë kohës që po udhëtonin bashkë nuk kanë debatuar në asnjë moment, përkundrazi, kanë qenë shumë të afërt e të dashur me njëri-tjetrin.
