Homoseksualiteti është patologji, të paktën për një doktor në spitalin Cotugno në Napoli, që është denoncuar nga shoqata për mbrojtjen e të drejtave të komunitetit LGBT, ‘Arcigay’, në Itali. Këto fjalë ka përdorur doktori gjatë vizitës së një 37-vjeçari gay, që po bënte kontrollin rutinë pas një ndërhyrjeje kirurgjikale.
Ai ka treguar se është vënë në lojë nga kirurgu, që ironizonte në mënyrë vulgare funksionin dhe përdorimin e organeve të tij gjenitale e ndërsa pacienti kërkonte të mësonte disa përgjigje specifike rreth jetës së tij seksuale pas ndërhyrjes që kishte realizuar, doktori reagoi ashpër, qartësisht i irrituar, duke përcaktuar homoseksualitetin si patologji.
“U mpiva, më vinte për të qarë,” tregon 37-vjeçari për Corriere del Mezzogiorno. “Dridhesha kur po dilja nga dhoma dhe mendova po sikur në vendin tim të kishte qenë një 18-vjecar, mbase dhe më i dobët psikologjikisht e me gjithë pasiguritë e veta, do të kishte përjetuar një traumë të papërballueshme.”
Spitali Cotugno prej vitesh bashkëpunon me shoqatën Arcigay kundër luftës ndaj Sidës dhe të tjera sëmundjeve seksualisht të transmetueshme, ndaj reagimi i mjekut është i pashpjegueshëm.
Burimi: Corriere.it
