Në orët e para të mëngjesit të sotëm (1 Tetor) me urdhër të Prokurorisë së Antimafies italiane, autoritetet italiane kanë nisur operacionin për të kapur bosin e mafies siciliane Cosa Nostra, Matteo Messina Denaro.
I shpallur në kërkim qysh prej vitit 1993, ai konsiderohet një nga personat më të rrezikshëm e më të kërkuar në botë.
Matteo Messina Denaro është nga bosat në të fuqishëm të mafies siciliane që drejton klanin e Catelvetranos e kontrollon provincat e Trapani, Agrigento e Palermo.
Operacioni i mëngjesit të sotëm po ekzekutohet nga autoritetet e antikrimit e të policisë së Trapanit dhe janë kryer me dhjetëra kontrolle banesash në zonën Valle Delle Belice e pozicionuar mes Trapanit, Palermos e Agrigentos.
Zona po kontrollohet nga helikopterë të repartit ajror të Palermos e nga trupa speciale të pajisura më instrumente të specializuar e shoqëruar skuadrën e qenve policorë.
Në kontroll janë vënë mjaft banesa në komunat Castelvetrano, Campobello di Mazara, Santa Ninfa, Partanna, Mazara del Vallo, Santa Margherita Belice e Roccamena e persona në lidhje me bosin mafioz, me të kaluar kriminale e pranë familjeve mafioze trapaneze e agrigjentine.
