Tirana është goditur pasditen e sotme nga një tërmet me magnitudë 3.8 të shkallës Rihter.
Lekundjet kanë shkaktuar panik tek qytetarët, duke kujtuar edhe atë te dy viteve më parë në të njejtën datë e të njëjtën orë.
AlpeNews.al sjell informacionin e plotë deri më tani, mbi qyetetet e prekura nga lëkundjet dhe dëmet.
Tërmeti ishte me magnitudë 3.8 , thellësi 5 km, me epiqendër në Gurrë e Vogël, 6 km në jug të qytetit të Klosit, Bashkia Mat.
Institucioni i Prefektit të Qarkut Tiranë, kontaktoi menjëherë me strukturat e Emergjencave Civile në Bashkit Tiranë, Vorë, Kamëz, Kavajë dhe Rrogozhinë si dhe me strukturat e Policisë së Rendit në këto Bashki, kryesisht me Sallën Operative të Drejtorisë Vendore të Policisë Tiranë, lidhur me ndonjë ngjarje të rregjistruar si pasojë e tërmetit.
Pas këtyre informacioneve rezulton:
Në teritorin e Qarkut Tiranë, kryesisht në Bashkitë Kamëz, Tiranë dhe Vorë, janë ndjerë lëkundje të vogla për pak sekonda. Fatmirësisht deri tani nuk rezulton të ketë asnjë problem.
Institucioni i Prefektit ngelet në kontakt të vazhdueshëm për të ndjekur, mbikqyrur dhe monitoruar situatën.
