Ish-kryeministri Sali Berisha ka mbërritur në Kuvend, pak minuta pas nisjes së seancës plenare.
I përjashtuar nga grupi parlamentar i demokratëve, Berisha është pritur në hyrje nga deputetët të rreshtuar qartazi krah tij, Flamur Noka, Edi Paloka dhe bashkëpunëtori i hershëm Tritan Shehu.
Kjo është seanca e dytë e Legjislaturës së X, e cila drejtohet nga deputetja e PS, Luljeta Bozo më e vjetra në moshë. Bozo lexoi formulën, ndërsa të gjithë deputetët po bëjnë betimin.
Gjithashtu, pas betimit do të nisë edhe votimi për kryetaren e Kuvendit , Lindita Nikolla.
