Stili nuk duhet të jetë gjithmonë brenda kufijve, duhet të kalosh pritshmërinë dhe barrierat që kanë njerëzit në kokë.
Kështu guxuan disa nga markat më të njohura të modës kur sollën trendin e çuditshëm të sandaleve me çorape. Të famshmet e para që u shfaqën me këtë kombinim u “shigjetuan”, mjaftojmë të kujtojmë rastin e komentit të Noizy-t për Rihanna-n.
“Katunare e dreqit”, shkroi Noizy duke ironizuar veshjen e Rihanna-s me çorape dhe një palë këpucë të hapura nga pas.
Por pavarësisht mendimit të reperit, disa nga femrat më të njohur që bëjnë modën në Shqipëri e përqafuan këtë trend dhe nuk u intereson për komentet.
Elvana Gjata
Me geta apo çorape mjafton që sandalet të kombinohen me të njëjtën ngjyrë. Fustani i kuq, me getat e kuqe dhe sandalet e kuqe ishte kombinimi perfekt i saj.
Të njëjtën gjë themi edhe për fustanin saten jeshil të kombinuar me një shall pelushi.
Drilona Boçi
Një nga fahionistet që ka tërhequr vëmendjen e të gjithëve së fundmi, tregoi se çorapet dhe sandalet bëjnë një kombinim perfekt me një fustan dimëror.
Orinda Huta
Kur u shfaq në eventin e festave të fundvitit te “Swarovski”, në pamje të parë mund të mendonim se ishin çizme cope ato që Orinda mbante veshur te këmbët. Por jo! Ajo kishte zgjedhur kombinim e çorapeve me xixa dhe sandaleve kadife, të dyja ngjyrë jelja.
Dua Lipa
Me çorapet “Gucci”, 155 dollarë dhe sandalet e së njëjtës markë, 890 dollarë, Dua Lipa pozoi për revistën “Refinery29”. Asnjëherë nuk është shumë shkëlqim!
Era Istrefi
Këngëtarja ishte e para që tregoi se getat ose çorapet rrjet shkojnë shumë me shapkat.
Kida
Fund dhe këmishë, nëse do të guxosh me sandalet zgjidh getat me të njëjtën ngjyrë.
/icon
