Sot në qytetin e Torinos është përcjellë për në banesën e fundit 4-vjeçari shqiptar, Aron Tila, i cili humbi jetën nga shpërthimi i një bomboole gazi në pallatin ku banonte bashkë me famiiljarët e tij.
Gjatë shpërthimit u plagos lehtë nëna e tij Nertila Tila 34 vjeç dhe disa banorë të tjerë të pallatit.
Arqipeshkopi i Torinos Imzot Cesare Nasiglia i ka dërguar një mesazh special lutje, familjes së Aron, ku mes të tjerash thotë se “vdekja tragjike e Aron ka tronditur të gjithë. Sytë tanë janë me lot e së bashku ndajmë dhimbjen duke qënë më pranë e më vëllezër me njëri- tjetrin.”
Kujtojmë se më herët babai Aronit, Genc Tila ka kërkuar drejtësi për humbjen e djalit të tij, duke thënë se dikush duhet të japë llogari për ngjarjen e rëndë.
Ai ka bërë me dije se kishte shkuar së bashku me famijjen në Torino për një jetë më të mirë.
“Duam drejtësi në lidhje me ngjarjen. Dikush duhet të japë llogari për vdekjen e djalit tim. Erdhëm në Torino për të nisur një jetë të re. E nuhatëm që në fillim erën e gazit, asgjë nuk funksiononte në atë godinë, sot do të kërkonim një shtëpi të re”, është shprehur babai i Aronit, Genci Tila.
