Yalda Hakim prezantuese e BBC World News u kthye në lajm botëror ditën kur Talebanët u futën në Kabul.
Zëdhënësi i tyre e telefonoi kur ajo ishte live në studio dhe Hakim, nuk nguroi ta fus në transmetim përmes celularit të saj.
Yalda Hakim e lindur në Kabul por me shtetësi australiane prej vitin 2012 ka udhëhequr raportimet për Afganistanin në BBC.
Një fondacion në Kabul mban emrin e saj dhe ishte i fokusuar në edukimin e grave dhe vajzave pasi në Afganistan nga 3.7 milion fëmijë që janë të pashkolluar prej tyre 60% janë vajza.
Gazetari Top Channel Muhamed Veliu, mëson se mëngjesin e të shtunës 59 vajza, studente të “The Yalda Hakim Foundation” mbërritën në Shqipëri.
Në Twitter gazetarja dhe prezantuesja e BBC Yalda Hakim thotë:
“Mbërritën. Faleminderit kryeministrit Rama, Ambasadës Amerikane në Shqipëri, Katari Airlines dhe organizatës Schmidt Future për njerëzit të detyruar të linin shtëpitë e tyre dhe të mikpriteshin në Tiranë Shqipëri me dinjitet dhe humanizëm që e meritojnë”.
Paraditen e të shtunës vajzat e fondacionit Yalda Hakim u shfaqën të ndrojtura përpara mikrofonit të Top Channel për të folur për jetën e re nisur në vendin tonë.
Mësohet se ardhja e tyre në Shqipëri u mundësua nga mbështetja financiare e logjistike e organizatës Schmidt Future e cila drejtohet nga Eric Braverman i cili në të shkuarën ka drejtuar Klinton Foundation themeluar nga ish presidenti Bill Klinton dhe bashkëshortja Hillary.
Afghan children who only a few days ago fled the horrors of war, being settled into their new life in Tirana, Albania #Afghanistan pic.twitter.com/CleliRYZmy
— Yalda Hakim (@BBCYaldaHakim) August 29, 2021
