Një vrasje ka tronditur Malësinë e Madhe mbrëmjen e së enjtes, ku është qëlluar ndërsa po levizte me makinë Sokol Çelaj. Ngjarja ka ndodhur në fshatin Reç rreth orës 22:50.
Çelaj, është transportuar për në Spitalin e Shkodrës, por nuk ka mundur t’u mbijetojë plagëve të marra, dhe ka ndërruar jetë.
Policia ka ngritur pika kontrolli dhe po bën krehjen e zonës për identifikimin dhe kapjen e autorëve, ndërkoh që shkaqet e ngjarjes ende nuk dihen.
Njoftimi i plotë
Malësi e Madhe/ Informacion paraprak
Më datë 26.08.2021, rreth orës 22:50, në fshatin Reç, Malësi e Madhe, në rrethana ende të paqarta është qëlluar me armë zjarri shtetasi S. Ç. i cili ka qenë duke lëvizur me automjetin e tij.
Shtetasi S.Ç, pasi është transportuar në spitalin e Shkodrês ka ndërruar jetë si pasojë e plagëve të marra.
Shërbimet e Policisë kanë ngritur pika kontrolli dhe vijon krehja e zonës për identifikimin dhe kapjen e autorëve.
Grupi hetimor nën drejtimin e Prokurorisë po vijon punën për sqarimin e rrethanave të kësaj ngjarje.
