Tronditët një familje në Gostivar. Një familje nga fshati Vrapçisht i Gostivarit zbuluan se në arvikolin e nënës së tyre ishte trupi i një personi tjetër. Mësohet se e moshuara kishte humbur jetën nga COVID-19, ndërkohë që familjarët kishin shkuar të tërhiqnin trupin e saj në morgun e Shkupit, ku është edhe ngatërresa e trupit.
TV21 raporton se ngjarja e rëndë ka ndodhur mëngjesin e sotëm në Shkup. Familjarët kanë hapur arkivolin në shtëpi, dhe kur kanë parë trupin e viktimës kanë njoftuar autoritetet.
Momentalisht familjarët e viktimës ndodhen në Klinikën Infektive dhe po kërkojnë trupin e të afërmes së tyre. Ndërkohë që deri tani nuk ka asnjë reagim nga autoritetet.
