Një ngjarje tronditëse është shënuar në Turqi. Sipas raportimeve, dyshohet se një burrë nga Diyarbakir, ka lënë shtatzënë të bijën e mitur të bashkëshortes.
Njerku u arrestua nga autoritetet, kur mjekët zbuluan shtatzëninë e vajzës. Fillimisht ajo i tha nënës së nuk ndjehej mirë dhe të dyja iu drejtuan spitalit, por më pas mjekët kanë zbuluar se vajza ishte shtatzënë.
Pikërisht, ky ka qenë dhe momenti kur e mitura i rrëfehu nënës së saj se abuzohej prej dy vitesh nga njerku. Burri është arrestuar dhe ndaj tij rëndojnë akuzat e abuzimit me të mitur.
