Ish-trajneri i Interit, Roberto Mancini, thotë se ai e ka rindërtuar Interin dhe se është dashur të vazhdohej me transferime janarin e sezonit që ai drejtoi klubin Nerazzur.
Tekniku aktual i Zenitit ka qenë në krye të klubit zikaltër për herë të dytë në sezonin 2015/2016 dhe pas një starti të fortë të sezonit Nerazzurët rrëshqitën në tabelë duke zënë vendni e katërt dhe duke mbetur jashtë Ligës së Kampionëve.
Një trend i ngjashëm shihet se po zhvillohet këtë sezon me Spallettin që ishte i pamposhtur deri më 16 janar, por dështoi ta bëjë ekipin e tij fitimtar në shtatë ndeshjet e fundit në të gjitha garat.
“Është ndryshe. Ne rindërtuam këtë ekip, tani ekipi ka dy vjet përvojë plus miliona të investura. Ne përfunduam si liderë pjesën e parë të sezonit, përkundër shkurtesave në disa reparte”.
“Për këtë arsye ka pasur nevojë për transferime në janar, por gjithë ajo që bëri klubi ishin shitjet. Një klub si Interi nuk mund të mendojë se si të hyjë në Ligën e Kampionëve, duhet të synojë të fitojë”.
“Transferimet e reja? Gabigol ishte i ri, do të ishte më mirë po te huazohej menjëherë”.
“Joao Mario ishte identik si Brozovic. Kam pasur nevojë për diçka tjetër. Një sulmues të shpejt në gjendje për të sulmuar mbrojtjet kundërshtare kur ato tentojnë të mbyllen. Por, të holla nuk kishte dhe nuk kishte qartësi kush po vendoste”.
“Unë do ta mbaja Kondogbian. Ai ka karakter interesant, ai ka nevojë të mbrohet dhe të inspirohet me vetëbesim. Ai ka cilësi. Ai gjithmonë është më i miri te Valencia”.
“Kovacic? Kishte konfrontime mes nesh. Unë i thashë të harrojë ofertat dhe të shpërthejë këtu. Por, Reali erdhi dhe klubi kishte nevojë për para”.
“Çka ka nevojë Spalleti? Nuk e kam shikuar shumë Interin. Ndoshta një sulmues të shpejtë si Dries Mertens, dikush që shënon si Icardi”.
“E shoh Interin në vendin e tretë. Për mua, edhe kështu, Interi është më i fortë se Roma dhe Lazio. Por, Nerazzurët duhet të investojnë këtë verë”, u shpreh Mancini.
Për fund ai shtoi se Juventusi është favorit absolut për titull, por se Napoli do jetë në luftë deri në fund.