Protestuesit dolën në rrugët e Francës për të kundërshtuar vaksinimin e detyrueshëm kundër Covid-19.
Por ndryshe nga herët e tjera, këtë herë ata kanë zgjedhur që të marrin karrige dhe tavolinat dhe të ulen jashtë, aty ku nuk është e detyrueshme që të jesh i vaksinuar.
Siç shihet edhe në videon e mëposhtme qytetarët ulen në karrige dhe tavolina në rrugë në shenjë proteste, teksa policia qëndron pranë tyre për të monitoruar situatën.
Protestuesit janë kundër vendimit të qeverisë për të bërë të detyrueshme vaksinimin kundër Covid për tu lejuar në restorante, bare, kinema, teatro dhe shumicën e ndërtesave publike. Ata akuzojnë qeverinë për shkeljen e lirive të tyre civile dhe personale.
Një numër janë gjithashtu kundër vaksinimit të fëmijëve. Franca ka vaksinuar grupmoshën 12-17 vjeç që nga maji.
Ata kërkojnë që Qeveria Franceze të tërheqë vendimin për vaksinimin e detyrueshëm gjë që deri më tani nuk është marrë parasysh.
