Një vatër zjarri është konstatuar në lagjen Magaze të qytetit të Fushë-Krujës. Zjarri ka përfshirë një sipërfaqe të mbuluar me shkurre e ferra por në afërsi të vatrës se zjarrit ka disa banesa të cilat rrezikohen.
Vatra ndodhet disa metra larg banesave, por zjarrfikëset po mundohen te lokalizojnë flakët në mënyrë që të mos u afrohen banesave. Në terren është një nga 2 zjarrfikëset e repartit të rrethit të Fushë Krujës. Raportohet se zjarri ka qenë i qëllimshëm.
Ky zjarr vjen 2 ditë pas zjarrit në pikën e grumbullimit të gomave të përdorura në Fushë Krujë që shkaktuan një situatë të rëndë. Mijëra goma u dogjën, ndërkohë që rrezikoheshin edhe disa banesa.
