Qeveria e Afganistanit po armatos grupet lokale si pjesë e një plani trefazor për të penguar ofensivën talebane.
Lajmi u bë i ditur nga ministri i Brendshëm i Afganistanit, gjeneral Abdul Sattar Mirzakwal në një intervistë për Al Jazeera.
Mirzakwal tha se forcat afgane po përqëndrohen gjithashtu në përpjekjen për të siguruar autostradat kryesore, qytetet e mëdha dhe pikat kufitare, pasi talebanët pushtuan nëntë kryeqytetet provinciale në më pak se një javë.
Mirzakëal, i cili mori drejtimin e forcës policore të 130,000 trupave të vendit pesë javë më parë, tha se qeveria po mbështeste njësitë vullnetare lokale të njohura si “lëvizje kryengritëse”.
“Ne jemi duke punuar në tre faza. E para është të ndalosh humbjet e forcave qeveritare, e dyta është të mbledhim përsëri forcat tona për të krijuar unaza sigurie nëpër qytete, “tha Mirzakëal.
Në tre muajt e fundit, talebanët kanë dyfishuar territorin e tyre dhe javën e fundit, filluan të marrin kryeqytetet provinciale, duke kapur nëntë të mërkurën.
Mirzakwal tha se shumë nga humbjet e qeverive ishin rezultat i humbjes së kontrollit të rrugëve dhe autostradave.
Shumë zona duhet të furnizohen përsëri nga ajri dhe, pasi Shtetet e Bashkuara filluan të tërhiqnin forcat e tyre, qeveria afgane humbi shumë nga ajo aftësi.
