Epidemiologu Ilir Alimehmeti ka folur sot mbi situatën e Covid-19 në vendin tonë, duke thënë për Faxnews se një dozë e tretë e vaksinës nuk është e nevojshme, pavarësisht se është rritur numri i infektimeve.
Doktori siguroi se nuk është gjendje shqetësuese pasi është nën kontroll.
“Numrat janë në rritje, por është e përballueshme dhe nuk jemi në fazën shqetësuese. Varianti Capa nuk është i ri, është i njohur më parë dhe Delta ja zuri vendin në Indi duke e dominuar. Delta përbën shumicën dërrmuese të rasteve. Doza e tretë e vaksinës nuk është e nevojshme pasi nuk ka prova, flasim për ato që po përdoren në Gjermani.
Imunizimi i plotë vjen dy javë pas dozës së dytë, por në çdo moment ka një mundësi infektimi, por për imunizim të lartë e kanë Phizer dhe Astrazeneca dhe për këtë arsye nuk është e nevojshme doza e tretë se përvec kësaj do ishte një shpenzim shumë i madh.
Në gjithë botën nuk llogjikohet më me rastet e reja, por nga rastet e rënda dhe humbjet e jetës sepse nese infektohen të rinj atehërë nuk presim shumë probleme. Duke qenë se të rinjtë kanë më pak risk dhe normalisht nuk duan të bëjnë vaksinën”- u shpreh Alimehmeti.
