Në Turqi ka nisur hetimi për një hashtag të përdorur në mediat sociale që kritikon reagimin e qeverisë ndaj zjarreve shkatërruese që kanë përfshirë vendin. Ekzistojnë akuza se me këtë hashtag po përhapet panik dhe frikë.
Hashtagu “HelpTurkey” nisi të qarkullojë kur presidenti Recep Tayyip Erdoan u fotografua ndërsa vizitonte rajonin e prekur nga zjarret i shoqëruar nga një numër i madh policësh. Vendaseve iu hodhën qese çaji nga një autobus në lëvizje në mes të natës, ndërsa një megafon njoftonte praninë e tij.
“Na ndihmoni!!!!!” Komediani turk Enis Arikan shkroi në Twitter disa orë pas vizitës së Erdoganit në një postim të shoqëruar me hashtagun HelpTurkey .
“Ne kemi nevojë për aeroplanë urgjentisht. Kemi vetëm një botë. ”
Por në një vend thellësisht të ndarë ku edhe ngjarje të vogla nxisin luftëra kulturore midis mbështetësve dhe kundërshtarëve të Erdoganit, hashtagu u shndërrua në një skandal, duke bërë që prokurorët të nisnin edhe hetimin.
Udhëheqësi i fuqishëm turk, i cili papritur u përball me një nga sfidat më serioze të sundimit të tij 18-vjeçar, dukej i skandalizuar nga ideja se vendit të tij i duhej ndihmë për të përballuar zjarret më të këqij në histori, që deri më tani u kanë marrë jetën tetë personave vetëm përgjatë bregdetit jugor.
Qeveria e tij është përballur me akuza për keqmenaxhim dhe mungesë përgatitjeje pasi pranoi se vendi nuk ka aeroplanë zjarrfikës funksionalë.
“Në përgjigje të kësaj, mund të themi vetëm një gjë: Turqia e fortë,” tha Erdoğan pas lutjeve të së premtes, duke përmendur një hashtag që po qarkullonte nga votuesit e tij.
“Një seri gënjeshtrash po përhapet nga Amerika, Evropa dhe vende të tjera,” tha ai për fushatën “HelpTurkey.”
Duke marrë shkas nga zemërimi i Erdoganit, zyra e prokurorëve tha se do të hetonte nëse postimet ishin krijuar “për të krijuar ankth, frikë dhe panik në publik dhe për të poshtëruar qeverinë turke”.
Pothuajse në të njëjtën kohë, rregullatori i medias kërcënoi të gjobisë kanalet televizive që vazhduan të transmetojnë pamje të drejtpërdrejta të zjarreve ose të transmetojnë ngjarje “që provokojnë frikë dhe shqetësime në publik”.
Shumica e stacioneve u pajtuan, duke minimizuar mbulimin e tyre të një fatkeqësie që ka vrarë tetë persona, shkatërruar pyje në një pjesë të madhe të brigjeve të Mesdheut dhe Egjeut dhe që shkatërroi jetën e një brezi fermerësh.
Sipas qeverisë turke, “HelpTurkey” po “furnizohet” nga llogari të rreme të krijuara për të manipuluar opinionin publik.
Marc Owen Jones, asistent profesor në Universitetin Hamad bin Khalifa në Katar, tha në një event mediatik të organizuar nga presidenca se analiza e tij tregoi deri në 5% e postimeve në Tëitter të “HelpTurkey” të shpërndara nga llogari të tilla.
“Nuk e di qëllimin e tij. Ajo që mund të them është se unë mendoj se manipulimi po ndodh me hashtagun …”tha akademiku britanik.
“Nëse është nisur një fushatë manipulimi, është një veprim shumë i zgjuar sepse HelpTurkey është një mesazh vërtet i pafajshëm, ju mund ta kuptoni pse njerëzit vijuan të postonin. Pse nuk do të donte një person mesatar të ndihmonte? ”
Gareth Jenkins, analist veteran i Turqisë, tha se kjo kritikë është thikë me dy presa. Qeveria e Erdoganit “mbikëqyr mijëra llogari të rreme, të cilat i përdorin për të “trilluar” dhe përpiqen të frikësojnë në heshtje këdo që vë në dyshim rrëfimet e tij”, tha Jenkins për AFP.
“Por unë mendoj se një problem shumë më i madh është se një numër i madh i turqve, përfshirë shumë nga ata përreth Erdoganit, në të vërtetë besojnë në propagandën e regjimit.”
Beteja për “HelpTurkey” sjell persion në mediat sociale, të cilat kishin mbetur një zonë debati të ndezur në një vend të dominuar nga mediat dhe gazetat pro-qeveritare.
Pas rezistencës fillestare, Twitter, Facebook dhe të tjerët kanë respektuar një ligj të ri që kërkon që platformat të emërojnë të dërguar lokalë të cilët mund të trajtojnë urdhrat e gjykatës për të hequr postimet e diskutueshme.
