Maria Licciardi, 70-vjeçe, një e dyshuar si bos i mafies në Itali u prangos sot në aeroportin Ciampino në Romë ndërsa po përpiqej të fluturonte për në Malaga në Spanjën jugore. Ajo është shprehur se shkonte drejt bregdetit spanjoll për të ‘vizituar vajzën e saj’. Licciardi është pjesë e mafies famëkeqe napolitane të njohur si Camorra. Ajo u arrestua ndërsa ishte në radhë në tryezën e regjistrimit nga Carabineros Corps – policia ushtarake e Italisë.
Zonja Licciardi, e njohur si ‘la piccoletta’ ose e vogla për shkak të shtatit të saj të vogël, ishte me dy bashkëpunëtorë në atë kohë dhe shkoi me oficerët në heshtje, sipas raporteve. Ajo akuzohet për shoqatë të tipit mafioz, zhvatje, marrje fondesh të papërfituara dhe manipulim ankandi. Prokurorët pretendojnë se ajo është bosi i klanit Licciardi, i cili u themelua nga vëllai i saj Gennaro, i njohur si La Scimmia (majmuni), në 1994.
Banda thuhet se është më aktive në Secondigliano, një lagje periferike dhe e shkatërruar në Napoli e cila besohet të jetë çelësi për tregtinë e drogës. Licciardi më parë kaloi tetë vjet në burg para se të lirohej në dhjetor 2009. Ky arrestim vjen pasi hetuesit italianë paralajmëruan se mafia e vendit të saj po shikonte zgjerimin e biznesit në Spanjë.
