Të rinj, të rastësishëm, të huaj dhe, siç kërkohet, agjentë 007-ta me pak skrupuj: këto janë kërkesat për kandidatët për një pozicion të pazakontë të propozuar nga qeveria lokale në Ibiza, ku jeta e natës, në verën e dytë të pandemisë, është kryesisht klandestine.
Detektivët do të kenë detyrën të depërtojnë në festat e ishullit, ku edhe koronavirusi po përhapet pak si shumë dhe t’i raportojnë ata në polici.
Nën maskën e turistëve që kërkojnë argëtim, agjentët anti-zbulim, pritet të përfshihen me kompanitë e kolegëve dhe të përgjojnë lajmet për organizimin e festave ilegale. Ku më pas, në mënyrë të pashmangshme, policia do të ndërhyjë.
Nënkryetari i këshillit të Ibizës, Mariano Juan Colomar, siguroi në një intervistë me “Periódico de Ibiza” dhe agjencinë e lajmeve “Reuters”, se ai kishte kontaktuar tashmë një agjenci hetimore jashtë ishullit për të punësuar persona 30-40 vjeçarë me pamje të mirë, që do të pastrojnë territorin në kërkim të të dhënave të planifikuara për argëtime të reja okulte.
“Festat e paligjshme nuk janë vetëm një problem i rendit publik, – paralajmëroi Colomar, – por tani ato përfshijnë edhe rrezik për shëndetin publik. Në këto festivale, nuk janë identifikuar vetëm turistët, por edhe banorët dhe punonjësit sezonalë që më pas përzihen me popullsinë dhe krijojnë probleme nëse infektohen”.
Është më pak e qartë pse autoritetet vendosën të bëjnë publike një kundër-veprim që duhej të kishte mbetur sekret, duke paralajmëruar organizatorët e këtyre eventeve nën rrogoz.
“Mbledhjet e natës” janë sigurisht në origjinën e disa shpërthimeve që i kanë bërë ishujt turistikë një zonë me rrezik të lartë infektimi në dy javët e fundit, me një normë prej 916 rastesh për 100 mijë banorë. Mes më të lartave në Spanjë.
Shumica e diskotekave dhe klubeve të natës, në të cilat bazohet reputacioni i Ibizas dhe atraksionet e tij për turistët, janë ende të mbyllura.
Baret dhe restorantet duhet të ulin grilat në orën 1 të mëngjesit. Kështu, një rrjet i aktiviteteve paralele të botës mondane, u aktivizua në vilat e mëdha të ishullit: biletat e hyrjes kushtojnë deri në 100 euro secila, informacioni udhëton përmes internetit, shpesh vetëm gjysmë ore para fillimit të festave dhe policia nuk ka mundësi të marrë lejen gjyqësore në kohë për të hyrë në një pronë private dhe për ta ndërprerë atë.
Këtu lindi dhe ideja e “lëshimit” të informatorëve “sekretë” që mund të vënë në dijeni autoritetet. Policia spanjolle nuk është e vetmja që po luan fshehurazi me kërkuesit e zjarrtë të kënaqësisë.
Në Montpellier, në Francën jugore, xhandarët ndërprenë një festë të madhe në një apartament në qendër të qytetit, të kthyer në klub nate, me bare, drita dhe madje edhe një strukturë pagese me kartë krediti.
Emri i zgjedhur për klubin “nëntokësor” është i gjetur: “Clubster”, një bashkim midis klubit dhe “cluster”-it, vatër në anglisht.
Por atmosfera u prish në agim kur, të paralajmëruar nga fqinjët, agjentët që identifikuan pjesëmarrësit ende në pistë, rreth tridhjetë, u shfaqën dhe raportuan pronarin.(Gazeta “Si”)
