Ish-kryeministri Sali Berisha në konferencën për shtyp ka hequr një paralele mes tij dhe kryedemokratit Lulzim Basha, duke i kujtuar kështu se ka qenë ai që e ka mbrojtur kur e kanë sulmuar në lidhje me akuzat për financimet e PD-së nga fondet ruse, edhe pse situata është krejt e ndryshme.
Berisha ia rrëfyer një takim me ish-ambasadorin Donald Lu në zyrën e tij, ku diplomati amerikan, sipas tij, i ka paraqitur një dosje me fakte që pretendonin se Basha ka marrë financime ruse.
“Donte më të provonte paraardhësi i saj, Lu erdhi në zyrën time me me dosje se Basha ka marrë fonde ruse. Aty brenda kishte shkrime të Gazetës Mother Jones, të sponsorizuar nga George Soros dhe disa shkresa burokratike. Ia thashë kjo është gazeta Mother George.
Ato ishin dokumente që nuk provonin asgjë trillimet e një gazetari, por u thoshte deputetëve të PD-së shkoni te Berisha se u kemi dhënë dokumente, që faktojnë se PD ka marrë financime nga rusët, por kur më vinin e më takonin i thosha se nuk ka asgjë të vërtetë”, deklaroi Berisha në konferencën për shtyp.
Gjithashtu ai kujtoi edhe rastin për anulimin e emërimit të ambasadores Kavalec, duke e akuzuar Bashën se ka ndërhyrë për një gjë të tillë.
“Besoj se e keni qartë rastin Kavalec, për të akuzuar Bashën se anuloi emërimin e saj, se nuk kishte asgjë me të vertetën, kishte ndodhur anulimi, por jo me kërkesën Lulzim Bashës”, theksoi Berisha.
