U rrit e po bëhet me dy fëmijë, por prapë s`vuri mend. Edhe kur jep “Best Of” në televizor do ta bëjë humorin në mes të rrugës. Këtë herë e kishte me mamatë. I qesëndisi vetëm me një fjali. “Shprehjen që e kemi dëgjuar me vite: – Fute kanatjeren brenda se ftofesh”, shkruan Ermali në foton ku i kolovatet kanotiera e bardhë, një nga ato tipiket. Mamatë tona me të drejtë do ta bënin Ermalin për ujë të ftohtë.
Ato janë munduar gjithë jetën që të mos ftohemi e sëmuremi. Ishte fati i tyre të ishin prindërit e brezit që nisi tranzicionin e kanotieres. Ne s`donim për qamet. Ato e donin me domosdoshmëri. Ato vish, e ne hiq. Po edhe kur e vishnim ndonjëherë në të rrallë, dëgjonim akoma fjalinë: “Fute kanotieren brenda se do ftohesh”. S`i ra shpirti në qetësi, as sot, që ua kujtoi Ermali. Mesa duket çunat janë bashkëvuajtës. Edhe atyre iu qenka nxirë jeta.
