Në kuadër të kapjes dhe “goditjes” së paligjshmërisë në vend, policia e Durrësit ka arrestuar 4 persona për vepra të ndryshme penale.
Policia e Krujës, gjatë një kontrolli në banesën e 47-vjeçarin, Mikel Doda ka gjetur 2 armë zjarri dhe 16 fishekë, ndërsa në oborr iu gjetën fidanë kanabis, si pasojë ai është arrestuar.
Në banesë me Mikel Dodën, ndodhej edhe 48-vjeçari, Mirosh Nikolla, i cili u arrestua për moskallëzim krimi.
Policia ka arrestuar edhe Ali Kurti, pas gjatë një kontrolli në oborrin e banesës iu gjetën bimë të kultivuara kanabis.
Pas një kontrolli në automjet tip “Renault”, policia e Krujës ka vënë në pranga 30-vjeçarin Suljeman Hidri, pasi iu gjetën 1.3 kg lëndë narkotike kanabis.
Në cilësinë e provës materiale, policia ka sekuestruar 2 armë zjarri (pushkë), municion luftarak, 1.3 kg lëndë narkotike kanabis.
Në vijim të punës për kapjen e personave në kërkim dhe vënien e tyre para përgjegjësisë ligjore, u arrestuan 2 persona.
Mynyr Koçiu, 63 vjeç, banues në Durrës, pasi Gjykata e Shkallës së Parë Durrës e ka dënuar me 5 muaj burgim për veprën penale “Vjedhja”;
I. T., 60 vjeç, banues në Larushkë, Krujë, pasi Gjykata e Shkallës së Parë Krujë i ka caktuar masën e sigurisë “Arrest me burg” për veprat penale “Prodhimi dhe shitja e narkotikëve” dhe “Kultivimi i bimëve narkotike” kryer në bashkëpunim.
Materialet i kaluan Prokurorisë së Rrethit Gjyqësor Durrës dhe Prokurorisë së Rrethit Gjyqësor Krujë, për veprime të mëtejshme.
