Teksa puna për parandalimin dhe “goditjen” e paligjshmërisë po vazhdon, policia e Durrësit ka arrestuar një pronar lokali, pasi e kishte përshtatur ambientin për organizimin e lojërave të fatit.
Arrestimi i 30-vjeçarit O.K u bë gjatë një kontrolli rutinë të Policisë në ambientet e lokalit, nga ku është konstatuar se ushtronte aktivitetin e paligjshëm të lojërave të fatit.
Në cilësinë e provës materiale u sekuestruan 1 laptop dhe 1 kompjuter.
Një 43-vjeçar, është proceduar penalisht, pasi është konstatuar nga Policia duke transportuar me automjet, 2 m3 lëndë drusore, të cilat u sekuestruan në cilësinë e provës materiale.
Ndërsa policia rrugore në Durrës, ka arrestuar një 18-vjeçar pasi u konstatua duke drejtuar mjetin tip “Audi”, pa leje drejtimi.
