Studiues në Universitetet e Birmingham dhe Oksford kanë kryer një studim ku kanë dalë në përfundimin se të moshuarit mund të mësojnë aftësi të reja më shpejt nëse nga ajo aftësi përfitojnë të tjerë në vend të tyre, ndryshe nga të rinjtë të cilët mësojnë më shpejt kur ‘ndihmojnë’ veten e tyre.
“Gjetja që njerëzit e moshuar janë më të motivuar për të mësuar kur ndihmojnë të tjerët mund të ndihmojë ekspertët të gjejnë mënyra të reja për të luftuar sëmundje të ndryshme të lidhura me moshën”, tha ekipi.
Ekipi gjithashtu zbuloi se njerëzit e moshuar duket se kishin më shumë gjasa të ishin ‘rritur’ nga tiparet psikopatike si mungesa e ndjeshmërisë, ndoshta kjo dhe shpjegon rezultatet.
“Ne duhet të marrim vendime dhe të mësojmë gjatë gjithë kohës bazuar në reagimet pozitive ose negative që marrim. Kjo na lejon të bëjmë zgjedhjet tona për të zgjedhur rrugën më të mirë të veprimit në të ardhmen nga shumë alternativa të mundshme”, tha neuroshkencëtarja Patricia Lockëood nga Universiteti i Birmingham.
Në studimin e tyre, Lockwood dhe kolegët e tyre kishin 152 pjesëmarrës, rreth gjysma e të cilëve ishin të moshës 18–36, me pjesën tjetër, moshat e të cilëve varionin nga 60–80 vjeç.
Secili pjesëmarrës mori pjesë në një seri testesh në të cilat u kërkua që të bënin zgjedhjen midis njërit prej dy simboleve që u shfaqeshin në një ekran kompjuteri.
Pas secilës përzgjedhje që ata bënë, subjekti mori reagime mbi vendimin e tyre dhe nëse ata kishin siguruar apo jo pikë shpërblimesh si rezultat.
Në disa raunde, pikët e grumbulluara nuk nënkuptonin asgjë, ndërsa në të tjerët ato përktheheshin ose në para për pjesëmarrësit ose për dikë tjetër.
Studiuesit zbuluan se grupi i vjetër i pjesëmarrësve ishte më i ngadaltë sesa grupi i ri në të mësuarit se cilat zgjedhje ishin më të mira kur zgjedhjet e tyre kishin potencialin për të përfituar vetë financiarisht.
Sidoqoftë, kur ata po bënin zgjedhje që kishin potencialin për të përfituar një person tjetër, pjesëmarrësit e moshuar u panë të mësonin se si të kishin sukses në lojë po aq shpejt sa të rinjtë.
Kur pikët nuk vlenin asgjë dhe nuk kishte asnjë motivim financiar, ekipi zbuloi se pjesëmarrësit në të dy grupmoshat mësuan më ngadalë.
“Ne e pranojmë që në përgjithësi, proceset njohëse dhe aftësia për të mësuar priren të përkeqësohen ndërsa njerëzit plaken”, tha neuroshkencëtarja Jo Cutler, gjithashtu i Universitetit të Birmingham.
“Pra, është me të vërtetë interesante të shohësh se kur bën zgjedhje që do të përfitojnë të tjerët, aftësia për të mësuar e të moshuarve ruhet ose rritet”, përfundoi ajo
