Një 57-vjeçar ka rënë në pranga, pasi akuzohet për mbajtje pa leje e armëve dhe municionit luftarak.
Në pranga ka rënë V. K., 57 vjeç, banues në fshatin Markatomaj, Lezhë.
Gjatë kontrollit në banesën e tij u gjetën 1 armë zjarri automatik, 1 armë zjarri pushkë dhe 8 krehra me 232 fishekë luftarak.
“Operacioni nga strukturat e DVP Lezhë, në bashkëpunim me Komisariatin e Policisë Lezhë. Sekuestrohen 2 armë zjarri dhe municion luftarak, arrestohet në flagrancë poseduesi i tyre.
-V. K., 57 vjeç, banues në fshatin Markatomaj, Lezhë. Gjatë kontrollit të ushtruar në banesën e këtij shtetasi, shërbimet e Policisë gjetën dhe sekuestruan në cilësinë e provës materiale 1 armë zjarri automatik, 1 armë zjarri pushkë dhe 8 krehra me 232 fishekë luftarak.
Materialet iu referuan Prokurorisë së Rrethit Gjyqësor Lezhë, për veprën penale “Mbajtja pa leje e armëve dhe municionit luftarak”, thuhet në njoftim.
