EA Sports ka zbuluar 55 lojtarët që janë kandidatë për t’u bërë pjesë e Skuadrës së Vitit EA SPORTS FIFA. Për herë të parë në histori ky formacion do të përzgjidhet një nga grup i përzgjedhur gazetarësh, atletësh dhe pjesëtarë të komunitetit EA SPORTS FIFA.
Ky kolektiv është përzgjedhur për të përfaqësuar miliona lojtarët e EA SPORTS FIFA në të gjithë botën. Votuesit do të marrin listën me emrat e 55 lojtarëve të përzgjedhur nga EA SPORTS në bazë të paraqitjeve që ata kanë bërë në 2017-ën. Çdo votues do të bëjë zgjedhjen e tij duke publikuar një fotografi të skuadrës së përzgjedhur për Skuadrën e Vitit në rrjetet sociale, e cila duhet të përbëhet nga 3 sulmues, 3 mesfushorë, 4 mbrojtës dhe një portier në modulin 4-3-3.
Këto votime do të përfaqësojnë 60% të votës finale. 40% i mbetur do të menaxhohet nga EA SPORTS. Për votimet mund të informoheni duke ndjekur #TOTYVote. Versioni përfundimtar i Skuadrës së Vitit do të zbulohet më 15 janar.
