Një diamant i madh i papërpunuar, mbresëlënës, me reflektime të argjendta, është zbuluar në Botsvana, njoftoi kompania kanadeze Lucara.
Guri i çmuar 1 174 karat, i zbuluar më 12 qershor, zë vendin e tretë, në podiumin e diamantëve më të mëdhenj në botë.
“Ky është një zbulim historik për ne dhe për Botsvanën, gjithashtu”, komentoi kreu ekzekutiv i Lucara-s, Naseem Lahri.
Ky zbulim i fundit konsolidon pozicionin e Botsvanës si lider botëror përsa i përket pranisë së gurëve më të mëdhenj të çmuar, me gjashtë diamante më të mëdhenj në botë deri tani.
