Ish-deputetja e Australisë, Julia Banks ka akuzuar një ministër të kabinetit se e ka ngacmuar seksualisht.
Sipas mediave të huaja mësohet se Banks në një deklaratë të dhënë ka rrëfyer se kjo ngjarje ka ndodhur në vitin 2017, atëherë kur ajo ishte deputete.
Sipas saj një nga ministrat e kabinetit qeveritar, i cili aktualisht vijon të jetë në detyre, e kishte prekur me duar tek këmbët gjatë seancës plenare.
“Ministri erdhi dhe u ul pranë meje dhe vuri dorën e tij mbi gjurin tim, më pas ai futi duart dhe u ngjit ngadalë më lartë duke prekur kofshën time në pjesën e brendshme“, tha Banks.
Menjëherë pas kësaj deklarate të Banks ka reaguar edhe zyra e Kryeministrit të cilët thane se nuk kanë qenë në dijeni më parë dhe do të marrin masa, pasi sipas tyre një sjellje e tillë është e papranueshme.
“Gjithkush ka të drejtë të ndihet i sigurt në vendin e tij të punës. Nuk kemi qenë në dije dhe do te marrim masa”, thuhet në deklaratën e bërë nga zyra e Kryeministrit.
