Ambasada Amerikane ka postuar një njoftim për studentët e gazetarisë të cilët duan të bëhen pjesë e gazetarisë investigative.
NJOFTIMI:
Je student dhe dëshiron të ndihmosh në luftën ndaj korrupsionit? Aplikoni për të qenë pjesë e Laboratorit të Gazetarisë Investiguese! Studentët e zgjedhur që do të shfaqin pasion dhe kurajo për gazetarinë investiguese dhe të pavarur do të marrin pjesë në një program udhëheqës dhe do të shkruajnë histori investiguese mbi çështje të rëndësishme në Shqipëri. Do të ofrohen pajisje inovatore dhe trajnim gazetarie nga profesorë të shquar shqiptarë dhe amerikanë, në Shqipëri dhe Shtetet e Bashkuara.
Për të aplikuar, ju lutemi të dërgoni sa mëposhtë në [email protected] deri më 10 gusht 2021
- Ju lutemi të shkruani një ese (300 fjalë ose më pak) në anglisht, mbi një nga temat e mëposhtme:
- Si mund të ndihmojë gazetaria e përgjegjshme në forcimin e demokracisë në Shqipëri?
- Përse është e rëndësishme që të kemi media informative që janë të pavarura nga ndikimi i qeverisë, politikës dhe interesave të biznesit?
- Si ndikon korrupsioni në qytetarët e zakonshëm?
- Emri i Plotë, Datëlindja, Adresa, Universiteti, Viti, Dega, Numri i Telefonit, Adresa e Emailit.
- Shembuj të punës tuaj (adresa artikujsh në blogje, gazeta, projekte gazetarie, punime video ose audio).
Kritere
Në mënyrë që të kualifikoheni për programin, aplikuesit duhet të jenë:
- Rezidentë në Shqipëri (për studentët e përzgjedhur nga rrethet përveç Tiranës do të rimbursohen shpenzimet e transportit)
- Aktualisht të ndjekin studimet për gazetari, komunikim ose degë të ngjashme në një universitet shqiptar
- Të aftë të flasin dhe të shkruajnë në gjuhën angleze
