*AlpeNews.al i shpreh ngushellime familjarëve dhe miqve të viktimave.
Një aksident tragjik i permasave të medha ka tronditur sot vendin, teksa një familje është shuar e tera si pasojë e perplasjes.
Aksidenti tragjik ka ndodhur mëngjesin e sotëm në autostradën Fier-Vlorë, ku një makinë tip ‘Audi’ me targa AA 107 XX, me shpejtësi skëterrë mbi 150 km/h, ku udhëtonin 3 të rinj, ka përplasur mjetin tjetër tip ‘Toyota’ me targa greke, në të cilën udhëtonte një familje me 2 fëmijë të mitur, 14 dhe 9 vjeç.
Familja Gushi sapo ishte kthyer nga Greqia, ndërsa kanë mbetur të plagosur tre të rinj që udhetonin ne automjetin që nuk “njihte” kufi shpejtësie.
Reagimet kane qene të ashpra dhe tejet të trishta dhe këmbana e alarmit bie për shoferët që vijojne të ecin me shpejtësi teresisht jashtë normave të lejuara duke marrë jetë.
Kujtojmë se një tjeter aksident i frikshëm ku mbetën viktima tre fëmije dhe babai i tyre, ka ndodhur në 2018. Behet fjalë për familjen Preka, nga e cila ka mbijetuar vetëm bashkeshortja e Edmond Prekës.
18 Shkurt
Shuhet familja Preka
Tragjedia që përfshiu familjen Preka, është ndoshta nga më të rëndat e viteve të fundit të shuar në aksidentet automobilistike në Shqipëri. Më të dhimbshme, atë e bën fakti se u shuan fëmijë nga disa muajsh, deri në 5 vjeç.
Si ndodhi aksidenti: Pas përfundimit të ekspertizës, grupi hetimor për aksidentin tragjik në Aksin Shkodër-Velipojë ku humbën jetën babai dhe 2 fëmijët e u plagosën 4 të tjerë. Sipas ekspertizës, shkak për aksidentin është bërë parakalimi i gabuar i mjetit ‘Alfa Romeo’ ku ndodheshin 5 anëtarët e familjes Preka.
Vijimi: Menjëherë u mësua se babai i tre fëmijëve dhe foshnja 8 muajshe mbetën të vdekur në vend. Pas tyre, edhe vajza 5 vjeçe.
Pak dite me vonë, edhe vajza e tretë (10 vjeçe), nuk mundi t’ia dilte.
E mbijetuara, është vetem nëna e fëmijëve dhe bashkëshortja e Edmond Prekës.
9 Prill 2018
Ktheheshin nga dasma, vdesin tre persona
Në aksin Levan Tepelenë, mbetën të vdekur tre persona. Shpejtësia e lartë dhe pakujdesia e drejtuesit kanë bërë që automjeti të dalë nga rruga dhe të përfundojë në një kanal në afërsi të fshatit Varibop.
Të vdekur në aksident mbetën tre persona, të afërm mes tyre. 34-vjeçarja është një shtetase franceze. Me origjinë është nga qyteti Rodez i Francës, por jeton në Athinë, Greqi.
Fisnik Murataj, shtetas shqipëtar kushëriri i tij Agustin Murataj shtetas shqipëtar dhe e fejuara e Fisnik Murataj Nazia Aham shtetase franceze, përkatësisht 32, 30 dhe 34 vjeç.
AlpeNews.al
