Të paguash nëpërmjet Messenger-it, teknologjia që sfidon të ardhmen

Tashmë është e mundur të dërgosh para me Messenger. Funksioni aktualisht po zbatohet vetëm në SHBA dhe është i kufizuar në sistemin operativ iOS, por pritet që së shpejti të ofrohet edhe në vende të tjera të botës.
Njëra ndër kompanitë me siguri më të madhe të pagesave online, Pay Pal, bën me dije se ka zgjeruar bashkëpunimin me Facebook duke shtuar shërbimin për pagesat P2P në aplikacionin Messenger.

Me opsionin e ri, aplikacioni i Messenger-it lidhet direkt me llogarinë tuaj në PayPal. PayPal prezantoi gjithashtu një tjetër shërbim për Messenger, i cili u lejon të merrni mbështetje të pagesave dhe llogarisë drejtpërdrejt në aplikacionin e mesazheve.