Një banesë private 2-katëshe është përfshirë nga zjarri, në qytetin e Durrësit. Flakët kanë shkrumbuar totalisht katin e dytë të banesës, ndërsa i pari nuk ka dëme.
Siç shihet nga pamjet e “BalkanWeb”, kati i dytë i banesës është shkrumbuar i gjithi.
Shtëpia i përket shtetases Nafie Myzyri, ndërsa zjarri dyshohet se është vënë nga një fëmijë i mitur, i cili ka qenë duke luajtur në kuzhinë. Dy zjarrfikës kanë mbërritur në vendngjarje, duke arritur të bllokojnë flakët, që të mos përhapeshin në katin tjetër të banesës.
