Gjithçka duket gati për “Euro 2020”, që do te zhvillohet një vit pas, si shkak i pandemisë COVID.
Ceremonia zyrtare do të nisë nesër prej orës 19:00, teksa dy orë më pas do të shijojmë betejën e parë.
Italia do të sfidojë Turqinë në “Olimpico” të Romës, takim që po pritet me padurim nga tifozët e shumtë të lojës më të bukur me top.
I famshmi Andrea Bocelli do të këndojë legjendaren “Nessun Dorma”, ndërsa në skenën që do të improvizohet në barin e “Olimpico” do të ngjitet i pari Ermal Meta.
Kjo nuk do jetë hera e parë që një kengetar nga Shqiperia do të performojë në ceremonitë e hapjes së Europianit apo Botërorit, duke na bërë krenarë ne mbarë botën.
Kujtojmë se më e bujshmja ishte performanca e Era Istrefit në Botërorin e 2018 (World Cup 2018), krah DJ Dilplo, Nicky Jamm dhe Will Smith.
Nga ana tjetër, edhe këngëtarja që po korr suksese të paimagjinueshme Dua Lipa, po në vitin 2018, hapi ceremoninë e finales së “Champions League”që luhej mes Liverpool-it dhe Realit të Madrid-it.
Tani na mbetet të presim Ermal Metën e ti urojmë shumë suksese nesër mbrëma!
AlpeNews.al
