Plas sherri mes gazetareve në “24 News”. Basha: Flet sikur ke ngrënë letra. Lala: Mos më bëj leksione gazetarie, se…

Haki Çako ka futur në sherr gazetaret e News 24.

Fillimisht kanë qenë dy gazetarët e këtij televizioni, Artan Hoxha e Klodiana Lala, që janë përplasur me njëri- tjetrin, ndërsa ishin ftuar nga Eni Vasili të diskutonin për shkarkimin e ish-drejtorit të Policisë së Shtetit.

Ndërsa më pas, Lala ka debatuar me një tjetër ish-gazetare pranë këtij televizioni, Anila Basha.

Kjo e fundit i tha Lalës, se duket sikur ka ngrënë letra kur flet dhe se merret me thashetheme.

Anila Basha: Çfarë janë këto thashetheme, që flet pa asnjë provë. Ti dëgjon muhabet kafeneje dhe bën lëmsh gjith dynjanë.

Klodiana Lala: Mos më bëj mua leksione gazetarie, se tek portali yt më ke cituar disa herë.

Anila Basha: Ça burimesh ke, oficerin apo rojen prapa derës?

Klodiana Lala: Mos e ul kaq shumë integritetin e bisedës se ti nuk shkon ndonjëherë në prokurori apo gjykata.

Anila Basha: S’kam nevojë të shkojë vetë, unë paguaj gazetar si ty dhe e dërgoj tek prokuroria.

Klodiana Lala: Mua s’më ke paguar ndonjëherë, rrogën e kam marrë nga Focus Media Group…

Anila Basha: Vlerësimet i bëja unë për rrogën tënde, kur isha drejtoresha jote..

Klodiana Lala: Me mua  ke hapur faqet e gazetave. Duhet të kërkosh falje që vë në diskutim integritetin tim.