Riaktivizimi i aeroportit Gjirokastêr për qëllime turistike e sportive – pjesë e vizionit për ta bërë Gjirokastrën polin më të rëndësishëm turistik tê jugut tê vendit.
Sot në Gjirokastër u zhvillua një festë e vërtetë mjedisore, kulturore e sportive, duke riaktivizuar pas 30 vjetësh aeroportin e braktisur të qytetit, një aset i rëndêsishëm historik, kulturor por dhe një mundësi për zhvillimin e turizmit. Aktivitetet u organizuan nga Bashkia e qytetit në b/punim me Federatën shqiptare të Aeronautikēs dhe me federatat e Kosovës e Maqedonisê sê veriut. Nê kéto aktivitete mori pjesë edhe deputeti e ministri i brendshêm Bledi Çuçi. Ministri Çuçi u shpreh se:
“Futurimet e avionëve të vegjël sportivë dhe mjeteve të tjera të Federates Shqiptare të Aeronautikës janë një atraksion më vete gjatë kësaj fundjave për banorët dhe turistët në Gjirokastër. Riaktivizimi i aeroportit për qëllime turistike e sportive është pjesë e vizionit tonë për ta bërë qarkun Gjirokastër një pol të rëndësishëm të turizmit në jug të vendit. Dikur ishte një aset i harruar, ndërsa sot kjo hapësirë fantastike përmes aktiviteteve të tilla sjell më shumë vizitorë në qytet. Sidoqoftë ka ende punë për të bërë dhe më e mira akoma s’ka ardhur”.
