Në momentin që një autobus udhëtarësh, në të cilin ndodheshin 15 persona, pësoi defekt në Tregan të Elbasanit, një pasagjere nga paniku është hedhur për të shpëtuar nga ndonjë rrezik i mundshëm aksidenti.
Si pasojë e plagëve të marra, pasagjerja është transportuar me urgjencë në spitalin Kirurgjik të Elbasanit, ku ka ndërruar jetë. Pasagjerët e tjerë nuk kanë asnjë dëmtim, ndërsa shoferi është shoqëruar për t’u marrë në pyetje.
Autoritetet kanë nisur hetimet për ngjarjen, ndërsa burime jo zyrtare bënë me dije se gruaja e aksidentuar ka ndërruar jetë më pas në spital pavarësisht kujdesit të mjekëve.
