Janë cilesuar skandaloze videot e publikuara ne rrjetin “Tik Tok” nga kryegjyqtarja e Elbasanit, Enkeleda Kapedani.
Këto të fundit kanë tronditur opinionin publik, pasi jane te gjitha të xhiruara brenda ambienteve të Gjykatës. Këto të fundit, për Kapedanin dukeshin si ambiente pasarele dhe modelingu.
Ndonëse ne reagimet e saj Kapedani u shpreh se nuk dispononte llogari ne rrjetin “Tik Tok”, ajo që bën habi është se menjeherë pas publikimit te tyre në media kjo llogari thuhet se ishte në emrin e saj “Kapedani333” e cila nuk egziston më, shkruan AlpeNews.al
Pra, është mbyllur.
Nga ana tjetër, gjyqtarja vihet re të ketë mbyllur çdo rrjet social që mban emrin e saj, pasi nuk figuron askund.
Reagimi i parë:
“Janë skenare për të përbaltur figurën time. Nuk kam koment. Unë nuk kam rrjet social Tik Tok. Shpërndarja e tyre është bërë e qëllimshme.”
Reagimi i dytë:
Qëndrimi im në lidhje me shpërndarjen e disa vidiove nëpër media.
Si gjyqtare në radhë të parë dhe si nënkryetare e Gjykatës ndjehem keq nga publikimi i këtyre videove vetëm për të më dëmtuar imazhin. Unë si gjyqtare e kam të ndaluar të komentoj, por do pres me qetësi verifikimin e kësaj situate.
As si individ as si gjyqtare nuk jam krenare për vidiot e publikuara. Shpresoj që ky sulm mos të jetë ndaj meje sepse jam grua dhe nene.
Ndërsa kërkoj ndjesë për cilindo që është ndjer keq nga ato video.
Dua të theksoj me forcë se asnjë insinuatë apo përbaltje nuk do më influencojnë të jap drejtësi dhe të punoj ndershmërisht si deri më sot.
Kujtojmë se Inspektori i Lartë i Drejtësisë (ILD) ka dërguar një ekip të posaçëm në Gjykatën e Elbsanit, pas skandalit të kryegjyqtares Enkeleda Kapedani.
Ekipi i posaçëm i dërguar nga ILD pritet të bëjë një inspektim në ambientet e Gjykatës së Elbasanit.
AlpeNews.al
