Policia Rrugore ka gjobitur 93 drejtues mjetesh për parakalim të gabuar në aksin Rrogozhinë- Elbasan.
Me anë të monitorimit me dron, Policia ka mundur të evidentojë shkeljet ditën e sotme.
Policia Rrugore i bën apel drejtuesve të mjeteve të tregojnë kujdes, të ruajnë largësinë e sigurisë si dhe mos kryejnë parakalime të gabuara.
NJOFTIMI NGA POLICIA
Rrespekto rregullat, shpëto jetë!
Njësia Operacionale e Policisë Rrugore, monitoron fluksin me dron, për evidentimin dhe ndëshkimin e drejtuesve të mjeteve që kryejnë parakalime të gabuara, të cilat janë shkak për aksidente rrugore.
Në këto momente Njësia Operacionale e Policisë Rrugore, operon në aksin Rrogozhinë-Elbasan, ku për rreth një orë janë evidentuar dhe ndëshkuar me masë administrative 93 drejtues mjetesh që kryenin parakalime të gabuara .
Policia Rrugore apelon për të gjithë drejtuesit e mjeteve qe të tregojne kujdes të shtuar dhe të ruajnë largësinë e sigurisë ndërmjet mjeteve për shkak të trafikut të rënduar, gjithashtu KUJDES, me parakalimet e gabuara, kufizoni shpejtësinë e lëvizjes sipas sinjalizimit rrugor, mos drejtoni mjetet pas përdorimit të pijeve alkoolike, pasi shërbimet e policisë rrugore janë duke monitoruar sjelljen tuaj në rrugë.
