Shefi i Urgjencës, Skënder Brataj, pak pas vendimeve të marra për masat e reja anti-COVID nga Komiteti i Ekspertëve, ishte i ftuar në studion e Breaking në Top News. Brataj u shpreh se masat lehtësuese ishin të pritshme pas rënies së rasteve me COVID.
“Pas 244 ditësh nuk patëm asnjë viktimë, është kënaqësi e madhe, por nuk duhet të shkujdesemi, se virusi se nuk ka ikur akoma. Sepse kemi 10-15 veta që na vijnë për ditë në spital. Por kohëzgjatja e qëndrimit të tyre në spital nuk është e gjatë si më parë.
Megjithatë ka dhe sëmundje respiratore të virozës së kohës që ndonjëherë ngatërrohen. Por nuk kemi pasur raste me grip fare, është zhdukur. Nga të gjitha analizat e bëra shihet që nuk kanë grip.
Vërtetohet shkenca, që kur ka një virus që dominon, nuk ka të tjera. COVID ka pasur variantet e veta, konkurrenca është mes tyre,” tha shefi i Urgjencës.
