Gjatë konferencës së sotme të grupimit për PD, kandidatje per kryetare Edith Harxhi përseriti sërish ftesën ndaj Lulzim Bashës për debat publik.
“E kam kërkuar dhe e sfidoj zotin Basha për një përballje. Zoti Basha të gjejë vendin apo strukturën e PD-së ku të zhvillojmë së bashku një debat publik dhe ta realizojmë”, u shpreh Harxhi gjatë fjalës së saj.
Më herët, edhe një tjeter kandidat për postin e kryetarit Fatbardh Kadilli e ka ftuar publikisht, perpara mediave, kryeopozitarin.
“Të organizohen tre debate të hapura për publikun, mediatike në Tiranë, Shkodër dhe Vlorë me të gjithë kandidatët në garë. Atë që Lulzim Basha i kërkoi Edi Ramës, një debat publik, ia kërkoj unë sot,” deklaroi Kadilli.
Në nisje të fushates së 25 prilli, edhe Jozefina Topalli pati një thirrje për Bashën, por mbeti sërish pa përgjigje.
Siç kuptohet, Lulzim Basha nuk ka krijuar as kushtet minimale të nje gare të drejtë brenda partisë, teksa para pak muajsh kerkonte me ngulm kryeministrin Rama në debat.
Me të drejtë, shprehja “bëni si them unë por mos bëni si bëj unë”, i shkon me së mirë kryetarit të Partise Demokratike.
AlpeNews.al
