Të tjera detaje janë zbuluar mbi vrasjen e 32 vjeçarit Endri Mustafa në Shkodër. Raportohet se tre ditë më parë, Mustafa mori dy mesazhe në celular.
Gjatë mbrëmjes, atij i kërkuan të dilte jashtë shtëpisë. “Eja dil pak”, është teksti i shkurtër që viktima ka marrë për të dalë nga banesa.
Ai nuk është larguar me makinë, por kanë shkuar e kanë marrë. Denoncimi është bërë në polici nga nëna e tij, që ka shprehur shqetësimin se i biri nuk ishte kthyer në shtëpi.
Megjithatë, nëna e viktimës nuk ka folur për ndonjë konflikt të mundshëm që ai mund të ketë pasur me persona të tjerë.
