“Report TV” ka siguruar foto të Ded Nimanit, 62-vjeçarit Ded Nimani që u arrestua sot në Tiranë, së bashku me policin e RENEA-s, Xhulio Liçi dhe personin tjetër Luan Gaçi, të akuzuar për shitje të lëndëve narkotike. Ded Nimani rezulton person me precedent të mëparshëm penal, ndërsa kishte më pak se një vit që kishte dalë nga burgu, i dënuar për drogë.
Ata u kapën në rrugën e Ndroqit, ndërsa bëhet me dije se së bashku blinin kokainë në sasinë 1 deri në 2 kilogramë dhe më pas e shisnin atë në zona të ndryshme në Tiranë.
