Fundjavën që lamë pas 17 rajone të Spanjës lehtësuan kufizimet e vendosura për shkak të situatës së pandemisë.
Ky vendim është pritur me gëzim dhe festë nga shumica e spanjollëve. “Të shfrenuar” spanjollët kënduan dhe vallëzuan në rrugët e Madridit pa maska.
Policia u detyrua që të lëvizte qytetarët nga sheshi qëndror i i qytetit, Puerta del Sol dhe të ruanin rendin, në këto grumbullime masive.
Në Barcelonë, njerëzit u drejtuan drejt plazhit në mes të natës, për të festuar fundin e mbylljes gjashtë-mujore.
Nga fotografitë e publikuara në rrjet shihen qartë çifte të cilët kanë shkëmbyer puthje në mes të rrugës duke gëzuar lirinë që prej muajsh u kishte munguar.
Vendimi për të lehtësuar kufizimet e koronavirusit do të thotë që njerëzit në Spanjë tani mund të udhëtojnë midis rajoneve të ndryshme.
Restorantet dhe baret mund të qëndrojnë të hapura deri në orën 11:00, megjithatë në një tavolinë nuk mund të qëndrojnë më shumë se katër persona dhe kosumimi i ushqimit në ambiente të mbyllura kufizohet në 30%.
