3 persona janë vënë në pranga nga policia e Durrësit, pasi po drejtonin mjetit në gjendje të dehur dhe për pasojë janë bërë shkaktar të disa aksidenteve të ndodhura në këtë qytet. Sakaq 148 qytetarë janë gjobitur për shkelje të ndryshme të qarkullimit rrugore dhe 18 drejtues mjetesh duhet të paraqiten në Komision.
Policia njofton se janë arrestuar në flagrancë shtetasit Z. Gj., 48 vjeç, banues në Shijak, pasi në aksin rrugor Maminas-Manëz, duke drejtuar në gjendje të dehur motomjetin tip “Lifan”, ka humbur kontrollin dhe ka mbetur i lënduar pasagjeri shtetasi Sh. Gj., i cili pas mjekimit të marë në spital është larguar në banesë.
Po ashtu është vënë në pranga shtetasi B. S., 48 vjeç, banues në Sukth, pasi në aksin rrugor Sukth-Shijak, duke drejtuar në gjendje të dehur mjetin tip “Opel”, është përplasur me një tjetër mjet duke i shkaktuar dëme materiale.
Gjithashtu është arrestuar shtetasi M. B., 47 vjeç, banues në Tiranë, pasi në aksin rrugor Gjiri Lalëzit-Maminas, duke drejtuar në gjendje të dehur mjetin tip “Toyota”, është përplasur me një tjetër mjet duke i shkaktuar dëme materiale.’- njofton policia.
