Një nga të plagosurit e sotëm nga aksidenti i rëndë në Lezhë-Shkodër, Marjeta Gjergji ka ndërruar jetë pasditen e sotme në spital.
Pas përplasjes së fortë ajo dhe të tjerët e lënduar nga aksidenti u dërguan në spital për ndihmë mjekësore, por infermierja e maternitetit të Lezhës nuk mundi të mbijetojë.
Dy makinat u përplasën “kokë më kokë” në afërsi të kryqëzimit të Karriqit, ndërsa paraprakisht dyshimet janë për një parakalim të gabuar të një prej mjeteve. Personat që ndodheshin në mjetin tjetër që u godit me atë të familjes Gjergji nuk kanë marrë lëndime serizoe, ndërsa Marjeta Gjergji ndërroi jetë te Spitali i Traumës.
