Shtyhet sërish afati i hapjes së pikës së kalimit kufitar të Kapshticës. Është e disata herë që shteti helen vazhdon dhe shtyn hapjen e kufirit me Shqipërinë, si pasojë e masave parandaluese për përhapjen e Covid-19.
Deri në datën 14 maj, dogana e Kapshticës do të vazhdojë të jetë me të njëjtat rregulla të mëparshme, ku hyrja drejt vendit tonë mund të bëhet nga ora 06:00 deri në 22:00, për gjithë shtetasit dhe kategoritë e mjeteve.
Kjo situatë vazhdon të jetë e njëjta që prej nëntorit të vitit 2020, ku nuk lejohet të kalojë asnjë udhëtar drejt shtetit helen apo qoftë dhe mjetet e tjera.
Të vetmet hyrje, janë ata individë që mund të hyjnë nga shteti grek në Republikën e Shqipërisë vetëm me këmbë dhe mjetet e transportit të rëndë.
