Pas një konflikti të çastit është plagosur me thikë një 30-vjeçar në Shkozë.
30-vjeçari ndodhet në spital, nën kujdesin e mjekëve. Autori i dyshuar është arrestuar, ndërkohë po punohet për sqarimin e rrethanave të ngjarjes.
“Me datë 03.05.2021, rreth orës 11:45, në Shkozë, pas një konflikti për motive të dobëta shtetasi S. K., ka plagosur me mjet prerës (thikë) shtetasin O. M., 30 vjeç, i cili u dërgua në spital, dhe ndodhet nën kujdesin e mjekëve.
Sherbimet e Policisë bënë shoqërimin në Komisariat e autorit të dyshuar të ngjarjes shtetasit S. K., për veprime të metejshme hetimore. Grupi hetimor po punon për sqarimin e rrethanave të ngjarjes”, thotë policia.
