Të tjera detaje janë zbuluar ne lidhje me ngjarjen e shënuar një ditë më parë ku u dhunua çifti nga persona të maskuar dhe të armatosur në Korçë.
Burime konfidenciale bëjnë me dije për “Panorama”se shtetesja me iniciale E.G punonjëse policie ka qenë brenda në automjetin me shtetasin D.A e cila kishte marrëdhenie prej disa kohësh.
Burime thonë se po hetohet në pistën e grabitjes por ka dyshime se autorët kanë njohje me 23 vjecaren e cila ishte brenda në automjetin e grabitur. Policia e Korcës është treguar tepër e rezervuar në dhënien e informacioneve. Dyshohet se autorët janë larguar jashtë kufirit. Dhjetra patrulla janë ngritur postbllok në gjithë qarkun por ende nuk ka persona të shoqëruar apo te dyshuar.
Kjo rrjedhë e re që ka marë hetimi i ngjarjes nga ky detaj “shokues” e bën akoma edhe më delikat zbardhjen përfundimtare të ngjarjes. Sepse nëse policja ka përdorur një skemë të tillë për çështjet private personale, duke bashkëpunuar me persona që kryejnë një vepër të tillë penale, atëherë pozita e saj në këtë histori rëndohet sëtepërmi. Por, konkulzionet zyrtare të hetimit do të jenë ato që do të thonë fjalën e fundit.
