Microsoft e ka lansuar Cortana në Skype, që do të thotë se asistenti virtual i gjigandit të softuerit do ju ndërprerë bisedat jo pak herë.
Cortana do të jetë i disponueshëm në Android dhe iOS por Microsoft thotë se debutimit do të jetë gradual fillimisht me SHBA-të e më pas me vendet e tjera të botës.
Integrimi i Cortana në Skype ishte lajmëruar një vit e gjysmë më parë por ende nuk është bërë e qartë pse është vonuar kaq shumë.
Implementimi është thuajse identik me atë që kemi parë Facebook të bëjë me asistentin M në Messenger dhe Google me Allo.
Ndërsa bisedoni me miqtë tuaj, në një moment të caktuar Cortana aktivizohet dhe ju sugjeron diçka të dobishme siç është krijimi i një përkujtuesi apo kërkimi i restoranteve.
Gjithashtu mund të filloni një bisedë private me Cortana si një mënyrë për të ndërvepruar me asistentin në mënyrë direkte.
